ខណ្ឌ Manhattan នៃក្រុងញូវយ៉ក គឺពោរពេញទៅដោយអគារខ្ពស់ៗប៉ុន្តែទីក្រុងនេះនៅតែមានការរឹតបន្តឹងអំពីកម្ពស់នៅខណ្ឌនានា។
ដើម្បីគេចចេញពីបញ្ហាទាំងនេះ ក្រុមហ៊ុនវិស្វកម្ម Clouds Architecture Office នៅទីក្រុងញូវយ៉ក បានស្នើឡើងនូវអគារកប់ពពកដែលព្យួរពីខ្សែកាបភ្ជាប់ជាមួយអាចម៍ផ្កាយ។ ដោយហេតុថាអគារនេះនឹងមិនប៉ះដី អ្នករចនានិយាយថា អគារនេះនឹងគេចផុតពីការរឹតបន្តឹងកម្ពស់សំណង់។
ដោយមានឈ្មោះ "Analemma Tower" អគារនេះអាចនឹងក្លាយជាសំណង់ខ្ពស់ជាងគេនៅលើលោក ប៉ុន្តែគេគ្មានផែនសាងសង់វាចេញជារូបរាងទេ។ លោក Ostap Rudakevych បានប្រាប់ Business Insider យ៉ាងដូច្នេះថា ក្រុមហ៊ុនបានបង្កើតនូវការរចនានេះឡើងដើម្បីស្រមើលស្រមៃពីអ្វីដែលអាចកើតឡើងនៅថ្ងៃអនាគតប៉ុណ្ណោះ៕
ប្រភព៖ KhmerRead
